20 ліпеня, Позірк. Перад Міністэрствам па надзвычайных задачах стаіць задача “ў корані памяняць сістэму апавяшчэння”, заявіў журналістам кіраўнік Адміністрацыі прэзідэнта Дзмітрый Круты 20 ліпеня падчас паездкі ў Магілёўскую вобласць.
Паводле яго слоў, якія прыводзіць дзяржаўнае інфармагенцтва БелТА, sms-рассылкі з папярэджаннямі МНС “выклікаюць у грамадзян усмешку”, “гэтая сістэма неэфектыўная”.
“Таму з калегамі з МНС думаем фактычна пра фармат ваеннага часу — апавяшчальнікі, гучныя сірэны, якія будуць імгненна ўключацца пры такіх ураганных вятрах і патэнцыйна бачных страшных з’явах. І людзі будуць разумець, што трэба бегчы ў сховішча”, — сказаў чыноўнік.
Непагадзь 13 і 14 ліпеня ў Беларусі прывяла да маштабных пашкоджанняў у сістэме электраперадачы, парушэнняў водазабеспячэння, разбурэнняў.
Паводле інфармацыі МНС, гэтымі днямі праз стыхію загінула шэсць чалавек.
