У Мінбудархітэктуры заявілі аб спрашчэнні парадку ўводу аб’ектаў у эксплуатацыю

25 ліпеня, Позірк. Новаўвядзенні, замацаваныя ў Кодэксе аб архітэктурнай, горадабудаўнічай і будаўнічай дзейнасці, “спрашчаюць парадак уводу аб’ектаў у эксплуатацыю”, заявіў 25 ліпеня на прэс-канферэнцыі намеснік міністра архітэктуры і будаўніцтва Аляксандр Балашэнка.

Праца над абнаўленнем кодэкса, папраўкі ў які набылі моц 23 ліпеня, “вялася доўга і цяжка з 2017 года”, адзначыў чыноўнік.

Прынятыя новаўвядзенні ён назваў “доўгачаканымі для заказчыкаў і падрадчыкаў”.

Цяпер пры ўводзе ў эксплуатацыю аб’ект будзе правярацца “толькі на адпаведнасць праектнай дакументацыі”, сцвярджае Балашэнка.

Прадстаўнік ведамства звярнуў увагу, што ў кодэксе пераразмеркаваныя паўнамоцтвы: іх частка перадаецца ад Аляксандра Лукашэнкі — ураду, ад урада — Міністэрству архітэктуры і будаўніцтва, ад ведамства — мясцовым органам улады.

У прыватнасці, прадугледжана перадача аблвыканкамам паўнамоцтваў па зацвярджэнні генеральных планаў гарадоў абласнога падпарадкавання, за выключэннем абласных цэнтраў і гарадоў-спадарожнікаў (раней гэта была кампетэнцыя ўрада).

Падрабязнасці даступныя падпісчыкам “Позірк+”