Усе валюты падаражэлі на біржавых таргах 2 лістапада

2 лістапада, Позірк. Усе чатыры асноўныя валюты падаражэлі на таргах Беларускай валютна-фондавай біржы 2 лістапада.

Курс амерыканскага долара вырас да 3,2008 (+0,0010; +0,03%), еўра — да 3,3947 (+0,0447; +1,33%), расійскага рубля — да 3,4334 за 100 (+0,0099; +0,29%), кітайскага юаня — да 4,3629 за 10 (+0,0016; +0,04%).

На мінулым працоўным тыдні (23-27 кастрычніка) на БВФБ долар патаннеў на 1,94% (з 3,263 да 3,1998 рубля), еўра — на 2,02% (з 3,47 да 3,40), юань — на 1,65% (4,4397 да 4,3663 за 10); расійскі рубель падаражэў на 0,83% (з 3,3904 да 3,4186 за 100).

Афіцыйны курс долара ў Беларусі за студзень — кастрычнік 2023 года вырас на 16,79% (з 2,7364 да 3,1958 рубля). Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 кастрычніка 2023-га. На першым месцы Расія — 32,57% (з 70,3375 да 93,2435 рубля).

У студзені афіцыйны курс долара да беларускага рубля знізіўся на 3,27% (да 2,6468 рубля); за студзень — люты — вырас на 2,62% (да 2,808), студзень — сакавік — на 4,41% (да 2,8571), студзень — красавік — на 6,91% (да 2,9255), студзень — травень — на 6,8% (да 2,9226), студзень — чэрвень — на 10,88% (да 3,0315), студзень — ліпень — на 10,58% (да 3,0258), студзень — жнівень — на 17,44% (да 3,2135), студзень — верасень — на 20,12% (да 3,2870).

Па выніках 2022 года Беларусь заняла трэцяе месца на тэрыторыі былога СССР па росце афіцыйнага курсу долара (+7,39%).