За тыдзень у Беларусь уехала 3.211 грамадзян Украіны — Дзяржпамежкамітэт

Фота: “Минск-новости”

2 жніўня, Позірк. За мінулы тыдзень (з 6:00 26 ліпеня па 6:00 2 жніўня) у Беларусь уехалі 2.872 грамадзяніны Украіны (за папярэднія сем дзён — 2.872), паведамляе Дзяржаўны памежны камітэт.

Непасрэдна з тэрыторыі Украіны (афіцыйна мяжа зачынена) праехалі 3 (ніводнага), транзітам праз Польшчу — 2.622 (2.315), Літву — 530 (502), Латвію — 56 (55).

З пачатку года ў Беларусь уехала 79.491 грамадзянін Украіны: з тэрыторыі Украіны — 35, транзітам праз Польшчу — 62.912, праз Літву — 15.428, праз Латвію — 1.116.

Усяго з 24 лютага 2022 года ў Беларусь прыбылі 225.983 грамадзяніны Украіны: праз украінска-беларускую мяжу — 15.953, транзітам праз Польшчу — 160.700, праз Літву — 43.678, праз Латвію — 5.652.

“Дзяржпагранкамітэт Беларусі займаецца несумленнай падачай лічбаў і чыстай вады маніпуляцыяй”, — заявіў у інтэрв’ю “Позірку” ў лютым гэтага года пасол па асобых даручэннях МЗС Украіны па Беларусі Ігар Кізім. Паводле яго слоў, размову трэба весці аб звычайных паездках грамадзян Украіны ў Беларусь.

Дыпламат адзначыў, што ў адкрытых крыніцах звестак аб колькасці ўкраінцаў, якія выехалі з Беларусі, не знайсці. “Сумленным і прыстойным з боку ДПК было б даваць гэтую статыстыку”, — лічыць ён.

“Насамрэч гаворка ідзе не пра транзітныя ўцекачы ці людзей, якія ўехалі ў Беларусь, каб папрасіць прытулак. Гэта, як і раней, простыя паездкі ўкраінскіх грамадзян”, — адзначыў Кізім.