ЕС аднадушны ў падтрымцы мужнага народа Беларусі — ЕСЗД

8 жніўня, Позірк. Еўрасаюз “застаецца аднадушным у сваёй падтрымцы мужнага народа Беларусі”, а таксама “беларускага дэмакратычнага руху і грамадзянскай супольнасці ў іх імкненні да свабоднай, дэмакратычнай, суверэннай і незалежнай Беларусі як часткі мірнай Еўропы”.
Заяву ад імя вярхоўнага прадстаўніка ЕС па замежных справах і палітыцы бяспекі Жазэпа Барэля прэс-служба Еўрапейскай службы знешніх дзеянняў апублікавала 8 жніўня — напярэдадні чарговай гадавіны прэзідэнцкіх выбараў 2020 года ў Беларусі.
Як толькі Беларусь распачне дэмакратычныя пераўтварэнні, ЕС акажа падтрымку ў стабілізацыі яе эканомікі і рэфармаванні інстытутаў, у тым ліку ў рамках Комплекснага плана эканамічнай падтрымкі ў памеры да 3 млрд еўра, гаворыцца ў дакуменце.
“Мы працягнем дамагацца таго, каб голас беларускага народа быў пачуты”, — падкрэсліваецца ў заяве.
ЕС канстатаваў, што чатыры гады таму народ Беларусі выйшаў на вуліцы, каб “мірна пратэставаць супраць фальсіфікацыі прэзідэнцкіх выбараў і спробы Лукашэнкі адабраць у яго права вырашаць сваю будучыню”. З таго часу, нягледзячы на жорсткія рэпрэсіі, “беларускі народ неаднаразова і мужна адстойваў свае правы чалавека і дэмакратычную будучыню сваёй краіны”.
Адзначаецца, што ў Беларусі зараз “каля 1.400 палітвязняў” (1.385 у спісе праваабарончага цэнтра “Вясна”), але яны “ўяўляюць сабой толькі малую частку тысяч людзей, якія з 2020 года то траплялі ў турмы з палітычных матываў, то выходзілі з іх” . Пры гэтым “як найменей шэсць палітвязняў загінула падчас утрымання пад вартай, а многія ўтрымліваюцца пад вартай без сувязі са знешнім светам ужо больш за год”.
“Стан некаторых зняволеных пагражае іх жыццю і вымагае тэрміновай медыцынскай дапамогі. Такое абыходжанне са зняволенымі і затрыманымі з’яўляецца парушэннем міжнароднага права і ўласных абавязацельстваў Беларусі”, — адзначаецца ў заяве, у якой паўторана патрабаванне неадкладна вызваліць палітвязняў.
У ЕС адзначылі, што “беларускі суверэнітэт і нацыянальная ідэнтычнасць усё больш апынаюцца пад пагрозай”. Рэжым Аляксандра Лукашэнкі не толькі праводзіць “шырокамаштабныя ўнутраныя рэпрэсіі”, але і з’яўляецца “саўдзельнікам незаконнай агрэсіўнай вайны Расіі супраць Украіны, спрыяе незаконнай дэпартацыі ўкраінскіх дзяцей і арганізуе міграцыйны ціск на знешнія межы ЕС”.
- Палітыка
- ПалітыкаПраваабаронца Кісляк просіць генпракурора Грузіі распачаць следства па факце затрымання грамадзяніна Беларусі ў Дэпартаменце міграцыі МУС (падрабязна)Матэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка, Эканоміка
- Грамадства
- Грамадства
- ПалітыкаЦіханоўская абмеркавала вызваленне палітвязняў і падтрымку Украіны з прэзідэнтам ПА НАТОМатэрыял даступны толькі падпісчыкам ПОЗІРК+
- Грамадства
- Грамадства, Палітыка
- ПалітыкаЕўракамісар Кос анансавала новы пакет дапамогі для незалежных СМІ і праваабаронцаўМатэрыял даступны толькі падпісчыкам ПОЗІРК+
- Палітыка
- ЭканомікаУ першым паўгоддзі ў абароненым грунце было вырашчана на 4% менш таматаў, чым годам ранейМатэрыял даступны толькі падпісчыкам ПОЗІРК+
- Эканоміка
- Палітыка
- ЭканомікаУ першым паўгоддзі сельгасвытворчасць у Беларусі знізілася на 2,7%, год таму быў рост на 10,2%Матэрыял даступны толькі падпісчыкам ПОЗІРК+
- Грамадства
- Эканоміка
- ЭканомікаДаўгі прадпрыемстваў за год выраслі амаль на траціну — даныя Белстата (падрабязна)Матэрыял даступны толькі падпісчыкам ПОЗІРК+