За абыход санкцый польскія кампаніі аштрафаваныя на 5,3 млн долараў
18 ліпеня, Позірк. З пачатку года мытнымі і падатковымі органамі Польшчы распачатая 51 справа супраць кампаній, якія не выконваюць еўрапейскія і нацыянальныя санкцыі ў гандлі з Беларуссю і Расіяй, паведамляе тэлекампанія TVP са спасылкай на звесткі Нацыянальнай падатковай адміністрацыі (ННА).
Адзначаецца, што ўсяго вынесена 37 рашэнняў, у тым ліку 24 — аб накладанні штрафаў на агульную суму больш за 20,8 млн злотых (больш за 5,3 млн долараў паводле бягучага курсу Нацбанка Польшчы).
Удакладняецца, што за абыход санкцый, у прыватнасці, продаж у РФ аўтамабіляў прэміум-класа спагнанні накладзеныя на шэсць польскіх кампаній.
У публікацыі падкрэсліваецца, што ў дачыненні да такіх кампаній могуць быць ужытыя розныя санкцыі, у тым ліку “замарожванне ўсіх фінансавых і эканамічных рэсурсаў”, выключэнне з ліку ўдзельнікаў тэндэраў, замежным заснавальнікам юрыдычных асоб забароняць уезд у Польшчу.
10 ліпеня паведамлялася, што Міністэрства ўнутраных спраў і адміністрацыі Польшчы на патрабаванне падатковых службаў краіны замарозіла актывы і ўвяло забарону на дзейнасць польскай кампаніі Tradeservice, заснаванай грамадзянамі Беларусі Аляксандрам Дубінам і Юрыем Шпілеўскім, за садзейнічанне абыходу санкцый ЕС у дачыненні да Расіі.
Таксама паведамлялася, што санкцый, уведзеных у дачыненні да Расіі, дапамагала пазбягаць і створаная ў жніўні 2022 года варшаўская кампанія Rs Pro, якая экспартуе тавары падвойнага прызначэння і высокатэхналагічную прадукцыю ў РФ праз арганізацыі з Азербайджана і Ганконга.
На гэтыя тавары накладзенае эмбарга, паколькі яны выкарыстоўваюцца ў расійскіх вайсковых сістэмах, выяўленых на полі бою ва Украіне. Да сёлетняга красавіка кампанія належала Ірыне і Андрэю Рыбак, цяпер яе ўладальнікамі з’яўляюцца Ілля і Юлія Немчанка, якія не паказваюць сваё грамадзянства ў Нацыянальным судовым рэестры, аднак, зыходзячы з напісання імёнаў (Illia і Yuliya Nemchanka), гэта таксама грамадзяне Беларусі.
Адзначалася, што пераслед кампаній, якія абыходзяць абмежаванні Еўрасаюза ў дачыненні да Расіі і Беларусі, з’яўляецца вынікам паправак да шэрагу законаў, якія былі ўнесеныя сёлета ўсімі краінамі ЕС, уключаючы Польшчу. У адпаведнасці з імі НПА атрымала новыя паўнамоцтвы, у тым ліку па адсочванні месцазнаходжання задэклараваных тавараў, вывезеных з краіны.
Цяпер прадпрымальнікі павінны гарантаваць мытным органам, што экспартаваныя імі тавары, якія ідуць транзітам праз Расію ці Беларусь, не падлягаюць рэалізацыі ў гэтых краінах. Мытныя і падатковыя органы могуць канфіскаваць тавары, якія парушаюць палажэнні санкцый, і запатрабаваць іх канфіскацыі ў Дзяржаўнае казначэйства, а кіраўнік НПА — накласці штраф у памеры да 20 млн злотых (каля 5 млн долараў ЗША) за невыкананне абмежаванняў.
29 чэрвеня Еўрапейскі саюз прыняў новы пакет санкцый у дачыненні да Беларусі. Спіс тавараў, забароненых у адпаведнасці з ім да паставак з ЕС у Беларусь, утрымлівае некалькі сотняў пазіцый.
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян