Венгрыя змякчыла патрабаванні да ўезду грамадзян Беларусі і РФ
30 ліпеня, Позірк. Паводле інфармацыі шэрагу СМІ, урад Венгрыі ўключыў грамадзян Беларусі і Расіі ў праграму “Нацыянальная карта”, якая дае магчымасць працаваць у краіне да двух гадоў.
Адзначаецца, што нацыянальная карта даступная асобам, зацікаўленым у працы або вядзенні бізнесу ў Венгрыі. У параўнанні з працоўнай і дзелавой візай яна дае шэраг пераваг, у тым ліку права на ўз’яднанне сям’і, на пастаяннае месца жыхарства пасля заканчэння трох гадоў. Правёўшы яшчэ восем гадоў у Венгрыі, пастаянныя жыхары могуць прэтэндаваць на атрыманне грамадзянства.
Партал навін Redaktionsnetzwerk Deutschland (RND) паведаміў, што на еўрапейскім узроўні не існуе адмысловай працэдуры праверкі для трымальнікаў нацыянальных карт, што выклікала занепакоенасць у суседніх з Венгрыяй краін. Паводле інфармацыі RND, увесну венгерскі ўрад абвясціў, што чакае каля 65 тыс. замежных працоўных.
З ліпеня нацыянальная карта стала даступна грамадзянам Беларусі і РФ, а таксама Украіны, Босніі і Герцагавіны, Паўночнай Македоніі, Чарнагорыі і Сербіі.
Неназваны член Еўрапарламента ў гутарцы з RND назваў няправільным падыходам дазвол на ўезд у ЕС без праверак тады, калі Расія “актыўна працуе над падрывам Еўропы праз гібрыдныя атакі”. У той жа час, на яго думку, няправільна “вешаць ярлык” на ўсіх грамадзян РФ.
Венгрыя застаецца адзінай краінай Еўрасаюза, якая падтрымлівае публічныя кантакты з афіцыйным Мінскам. Як член ЕС яна была вымушаная далучыцца да санкцый супраць рэжыму Аляксандра Лукашэнкі, але прадстаўнікі венгерскіх уладаў неаднаразова заяўлялі, што не падтрымліваюць іх увядзенне.
18 ліпеня дэмакратычны лідар Святлана Ціханоўская сустрэлася з прэм’ер-міністрам Венгрыі Віктарам Орбанам на палях саміту Еўрапейскай палітычнай супольнасці ў Вялікабрытаніі.
Міністр замежных спраў і знешняга гандлю Венгрыі Петэр Сіярта наведваў Мінск у траўні.
5 чэрвеня 2020 года адбыўся першы ў гісторыі беларуска-венгерскіх стасункаў афіцыйны візіт Орбана ў Беларусь.
1 кастрычніка 2021 года ў Афінах (Грэцыя) прайшла дыскусія з удзелам Сіярта і Святланы Ціханоўскай. Вядучы спытаў, навошта Орбан прыязджаў да Лукашэнкі, калі ў краіне ўжо ішлі рэпрэсіі. Сіярта адказаў, што тады стасункі былі “прагматычнымі”, але ўсё змянілася — Венгрыя падтрымала ўсе санкцыі ЕС. Ён дадаў, што сустрэча з былым кіраўніком МЗС (цяпер нябожчыкам Уладзімірам Макеем) “не азначае, што Венгрыя перастала падтрымліваць беларусаў”, і запрасіў Ціханоўскую наведаць яго краіну з афіцыйным візітам.
2 снежня 2021 года Сіярта правёў у Стакгольме (Швецыя) яшчэ адну сустрэчу з Макеем, патлумачыўшы яе “неабходнасцю падтрымліваць каналы сувязі для вырашэння міграцыйнага крызісу”.
У студзені 2023 года Сіярта, віншуючы па тэлефоне Сяргея Алейніка з прызначэннем міністрам замежных спраў (адпраўлены ў адстаўку 27 чэрвеня 2024-га), абмеркаваў з ім перспектывы далейшага ўзаемадзеяння. Ужо ў наступным месяцы кіраўнік венгерскай дыпламатыі здзейсніў візіт у Мінск; у красавіку Будапешт наведаў яго беларускі калега.
Летась напрыканцы верасня Лукашэнка прыняў даверчыя граматы ад новага амбасадара Венгрыі ў Беларусі Зіты Ілоны Бенчык. Такім чынам, Венгрыя з’яўляецца адзінай краінай ЕС, амбасадар якой уручыў граматы Лукашэнку пасля падзей 2020 года.
26 кастрычніка 2023 года Сіярта “нечакана прыбыў” у Мінск на канферэнцыю “Еўразійская бяспека: рэальнасць і перспектывы ў трансфармаваным свеце”.
Ціханоўская сёлета 17 студзеня ў Давосе (Швейцарыя) абмеркавала з прэзідэнтам Венгрыі Каталінай Новак (сышла ў адстаўку ў лютым) міжнародную падтрымку Беларусі і папрасіла яе прытрымлівацца сумеснай палітыкі Еўрасаюза ў дачыненні да Мінска.
Венгрыя — адзіная краіна ЕС, у якую яшчэ не здзяйсняла візіт беларускі дэмакратычны лідар.
З 1 ліпеня 2024 года Венгрыя ў парадку чарговасці старшынюе ў Савеце Еўрапейскага саюза.
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна