За тыдзень у Беларусь уехала 2.875 грамадзян Украіны — Дзяржпагранкамітэт
16 жніўня, Позірк. За мінулы тыдзень (з 6:00 9 жніўня па 6:00 16 жніўня) у Беларусь уехала 2.875 грамадзян Украіны (за папярэднія сем дзён — 3.417), паведамляе Дзяржаўны памежны камітэт.
Транзітам праз Польшчу прайшло 2.322 (2.780), Літву — 481 (558), Латвію — 72 (79).
З пачатку года ў Беларусь заехалі 85.783 грамадзяніны Украіны: з тэрыторыі Украіны — 35, транзітам праз Польшчу — 68.014, праз Літву — 16.467, праз Латвію — 1.267.
Усяго з 24 лютага 2022 года ў Беларусь прыбыло 232.275 грамадзян Украіны: праз украінска-беларускую мяжу — 15.953, транзітам праз Польшчу — 165.802, праз Літву — 44.717, праз Латвію — 5.803.
“Дзяржпагранкамітэт Беларусі займаецца несумленнай падачай лічбаў і чыстай вады маніпуляцыяй”, — заявіў у інтэрв’ю “Позірку” ў лютым гэтага года амбасадар па асаблівых даручэннях МЗС Украіны па Беларусі Ігар Кізім. Паводле яго слоў, гаворку трэба весці аб звычайных паездках грамадзян Украіны ў Беларусь.
Дыпламат адзначыў, што ў адкрытых крыніцах звестак аб колькасці ўкраінцаў, якія выехалі з Беларусі, не знайсці. “Сумленным і прыстойным з боку ДПК было б даваць гэтую статыстыку”, — лічыць ён.
“Насамрэч гаворка ідзе не пра транзітных уцекачоў ці людзей, якія заехалі ў Беларусь, каб папрасіць прытулак. Гэта, як і раней, простыя паездкі ўкраінскіх грамадзян”, — адзначыў Кізім.
Беларускія службы пры ўездзе ўкраінцаў выкарыстоўваюць ПЗ для выкрыцця месенджараў у тэлефонах — СЗР
14 жніўня, Позірк. Служба знешняй разведкі Украіны заклікала грамадзян "устрымацца ад паездак у Беларусь", гаворыцца ў яе паведамленні. Нягледзячы на тое, што рызыкі меншыя ў параўнанні з наведваннем Расіі, яны, на думку спецслужбы, "існуюць, а таму могуць пагражаць бяспецы і …