Лукашэнка назваў “правільным” затрыманне ў Францыі заснавальніка “Тэлеграма” Дурава
28 жніўня, Позірк. Улады Францыі “паступілі правільна”, затрымаўшы ў Парыжы расійскага прадпрымальніка, заснавальніка і кіраўніка месенджара “Тэлеграм” Паўла Дурава, заявіў Аляксандр Лукашэнка, выступаючы 27 жніўня на рэспубліканскім педагагічным савеце.
“Я іх не асуджаю, — цытуе Лукашэнку яго прэс-служба. — Яны правільна паступаюць. Дуравы — не Дуравы… Вінаваты — ідзі адказвай. Толькі да нас навошта прад’яўляць прэтэнзіі, калі мы пачынаем сябе абараняць такімі ж метадамі, як яны?”
Лукашэнка раскрытыкаваў дэмакратычны лад заходніх дзяржаў, дзе, як ён сцвярджае, парушаюцца правы чалавека. Адпаведны светапогляд, на яго думку, настаўнікі павінны ўкладваць “у галаву школьнікам”.
“Ведаеце, дэмакратыя — гэта [калі падчас пратэстаў “жоўтых камізэлек” у Францыі] можна жанчыну галавой аб сценку, кроў хвастае ва ўсе бакі. У Амерыцы можна там чарнаскурага задушыць, і нічога не будзе”, — сказаў Лукашэнка.
Дураў, у якога ёсць французскае грамадзянства, быў затрыманы 24 жніўня ў аэрапорце Ле-Буржэ (знаходзіцца ў 12 км ад Парыжа). Паводле звестак СМІ, прычынай стала адмова месенджара ад супрацоўніцтва з праваахоўнымі органамі Францыі пры расследаванні злачынстваў, якія здзяйсняюцца з дапамогай “Тэлеграма”.
25 жніўня каманда месенджара выступіла з заявай, у якой падкрэсліла, што “Тэлеграм” выконвае законы Еўрасаюза, а мадэрацыя паведамленняў на платформе “адпавядае галіновым стандартам і пастаянна ўдасканальваецца”.
“Генеральнаму дырэктару “Тэлеграма” Паўлу Дураву няма чаго хаваць, і ён часта падарожнічае па Еўропе. Абсурдна сцвярджаць, што платформа ці яе ўладальнік нясуць адказнасць за злоўжыванне гэтай платформай. Мы чакаем хутчэйшага вырашэння гэтай сітуацыі”, — гаварылася ў заяве.
26 жніўня прэзідэнт Францыі Эманюэль Макрон заявіў, што затрыманне Дурава не з’яўляецца “палітычным рашэннем”.
“Я чытаю тут ілжывую інфармацыю пра Францыю пасля арышту Паўла Дурава. Францыя больш за ўсё імкнецца да свабоды выказвання меркаванняў і камунікацыі, інавацый і прадпрымальніцтва. Так і застанецца”, — напісаў Макрон у сацсетцы X (“Твітар”).
У той жа дзень пракуратура Францыі паведаміла, што ў крымінальнай справе, у рамках якой затрыманы прадпрымальнік, 12 пунктаў абвінавачвання. Сярод іх: саўдзел у адміністраванні анлайн-платформы для правядзення незаконных здзелак арганізаваных груп; адмова перадаць па запытах праваахоўных органаў інфармацыю або дакументы, неабходныя для правядзення расследавання; саўдзел у захоўванні парнаграфічнага кантэнту з непаўналетнімі; саўдзел у распаўсюдзе наркотыкаў; саўдзел у кіберзлачынствах; саўдзел у махлярстве ў складзе арганізаваных злачынных груповак; удзел у злачыннай супольнасці; адмыванне даходаў, атрыманых у выніку злачынстваў.
Тэрмін папярэдняга затрымання Дурава заканчваецца 28 жніўня.
26 жніўня прэс-сакратар прэзідэнта Расіі Дзмітрый Пяскоў адмовіўся каментаваць затрыманне Дурава. Пры гэтым у падтрымку заснавальніка “Телеграма” выступілі многія расійскія палітыкі і прапагандысты, назваўшы яго затрыманне палітычным.
У 2018 годзе ўлады РФ пачалі працэс блакавання доступу да “Тэлеграма” на тэрыторыі краіны, але пасля абмежаванні былі знятыя.
У 2020 годзе падчас масавых хваляванняў у Беларусі месенджар шырока выкарыстоўваўся ўдзельнікамі акцый пратэсту і незалежнымі СМІ. Пасля падаўлення пратэстаў большасць папулярных тэлеграм-каналаў былі прызнаныя “экстрэмісцкімі”.
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаўМатэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+