14 верасня, Позірк. Больш за сто палонных у Курскай вобласці расійскіх вайскоўцаў знаходзіцца ў Беларусі ў працэсе абмену, вынікае з паведамлення Мінабароны РФ
14 верасня “ў выніку перагаворнага працэсу з падкантрольнай кіеўскаму рэжыму тэрыторыі вернуты 103 расійскіх ваеннаслужачых, захопленых у палон у Курскай вобласці”, гаворыцца ў рэлізе.
Узамен перададзены 103 ваеннапалонныя УСУ.
“Цяпер усе расійскія ваеннаслужачыя знаходзяцца на тэрыторыі Рэспубліка Беларусь, дзе ім аказваецца неабходная псіхалагічная і медыцынская дапамога, а таксама прадастаўлена магчымасць звязацца са сваякамі”, — паведаміла ведамства.
Далей іх плануюць даставіць у Расію.
Паведамляецца аб пасярэдніцтве ААЭ у абмене.
Раней расійскія ваеннапалонныя неаднаразова вярталіся праз Беларусь.
Узброеныя сілы Украіны праводзяць паспяховую наступальную аперацыю ў прыгранічнай Курскай вобласці РФ з 6 жніўня.
