За выходныя дні ў Беларусі патанула тры чалавекі — АСВОД

9 снежня, Позірк. За выходныя дні ў Беларусі патанула тры чалавекі, паведамляе Таварыства ратавання на водах (АСВОД).

Вядуцца пошукавыя работы ў Брэсцкай і Гомельскай абласцях. На запыт Пінскага РАУС у вадаёмах раёна сіламі мясцовай выратавальнай станцыі АСВОД шукаюць мужчыну 1965 года нараджэння. Ён знік 6 снежня.

Як паведамляў “Позірк”, раніцай 7 снежня ў Касцюковіцкім раёне (Магілёўская вобласць) кіроўца не даў рады кіраванню, аўтамабіль з’ехаў у штучны вадаём і перавярнуўся. З затопленага аўтамабіля дасталі цела жанчыны 1946 года нараджэння.

Раніцай 8 снежня ў Воранава (Гродзенская вобласць) не даў рады кіраванню 19-гадовы кіроўца “Аўдзі”. Легкавы аўтамабіль з’ехаў на абочыну, перавярнуўся, а затым упаў у вадаём. Малады чалавек загінуў.