Ціханоўская ў Бруселі: ЕС для Беларусі — маяк надзеі

12 снежня, Позірк. Пры новым кіраўніцтве Еўрапейскага саюза супрацоўніцтва з беларускімі дэмакратычнымі сіламі “не толькі працягнецца, але і стане больш трывалым і выніковым”. Упэўненасць у гэтым выказала дэмакратычны лідар Святлана Ціханоўская на адкрыцці чацвёртага пасяджэння кансультатыўнай групы ЕС — Беларусь 11 снежня ў Бруселі.

“З кожным годам нашы сувязі ўмацоўваюцца, а нашае супрацоўніцтва робіцца ўсё цяснейшым. І я асабліва ганаруся тым, што гэтая сустрэча праходзіць падчас Дзён Беларусі ў Брусэлі — яскравага прыкладу партнёрства паміж дэмакратычнай Беларуссю і інстытутамі ЕС”, — адзначыла палітык.

Дні Беларусі яна назвала “без перабольшання, найбуйнейшым мерапрыемствам, прысвечаным Беларусі, якое калі-небудзь праводзілася ў Брусэлі”.

Паводле слоў Ціханоўскай, для беларусаў ЕС — гэта няпроста эканамічны саюз, а “маяк надзеі і абаронца каштоўнасцяў, якімі мы шануем”, а таксама “адзіная альтэрнатыва “рускаму свету”.

“Мы павінны працягваць прапагандаваць ЕС сярод беларусаў і фармаваць пазітыўны парадак дня, каб усяляць энергію і надзею. Адной з нашых галоўных задач з’яўляецца мабільнасць — як наладзіць больш трывалыя сувязі паміж беларусамі і ЕС. Нам трэба больш віз, стыпендый і праграм, якія дазволяць людзям працаваць і вучыцца разам”, — заявіла палітык.

Падчас прэзентацыі пакета законаў для новай Беларусі на канферэнцыі “Аднаўленне дэмакратычных інстытутаў Беларусі” Ціханоўская адзначыла, што год таму дэмакратычныя сілы абвясцілі сваёй мэтай інтэграцыю Беларусі ў ЕС.

“Паводле сёмага Капенгагенскага крытэру (крытэры ўступлення краін у ЕС. — “Позірк”.), заканадаўчая ўлада краіны-кандыдата павінна быць сумяшчальная з еўрапейскімі стандартамі і еўрапейскім заканадаўствам. І гэта менавіта тое, над чым працавалі міжнародныя і беларускія эксперты. Сёння мы ўжо можам бачыць вынікі іх працы: законы аб паліцыі, аб амбудсмене і аб Нацыянальным савеце юстыцыі”, — паведаміла дэмлідар.

Ціханоўская назвала праведзеную працу “велізарным прарывам”. На яе думку, новыя законы “стануць асновай нашага поспеху”, “забяспечаць правасуддзе, абарону правоў чалавека і пракладуць шлях да эканамічных і сацыяльных рэформаў”.

“Гэтыя законы павінны адлюстроўваць нашу еўрапейскую ідэнтычнасць і адпавядаць каштоўнасцям, якімі мы шануем, — свабодзе, годнасці і справядлівасці, — лічыць Ціханоўская. — Гэтыя законы не проста прыгожая карцінка, а пакрокавая інструкцыя па дэмакратычных пераўтварэннях. Гэта кіраўніцтва пра тое, як вырваць Беларусь з кіпцюроў Расіі і вярнуць яе на дэмакратычныя рэйкі”.

Паводле слоў Ціханоўскай, падзеі ў Сірыі паказалі, што перамены наступаюць нечакана і лепш быць да іх гатовымі. “Нам да зарэзу спатрэбяцца новыя законы і добра падрыхтаваныя людзі, гатовыя ўкараняць новую палітыку”, — заявіла яна.

Выступаючы на адкрыцці выставы “галасы з турмы: мастацтва як супраціў”, Ціханоўская адзначыла, што гэта — “даніна павагі нашым палітвязням”.

“Адным з аўтараў гэтай выставы з’яўляецца наш вядомы мастак Алесь Пушкін… Шкада, што яго тут няма, вам бы спадабаўся яго гумар. Але Алеся больш няма з намі, ён памёр у турме летась. Рэжым забіў яго за талент і свабодалюбства”, — адзначыла палітык.

Кажучы яшчэ аб адным герою выставе — лаўрэаце Нобелеўскай прэміі Алесі Бяляцкай, яна падкрэсліла, што “яго жыццю таксама пагражае небяспека”.

“Але вы можаце здагадацца, што ўражвае мяне больш за ўсё: гэта сілуэт рукі майго мужа. Гэта вельмі кранальна для мяне. Гэта не перадаць словамі. Ён адпраўляў падобныя лісты да таго, як яго пазбавілі сувязі са знешнім светам. Гэта здарылася больш за 600 дзён таму. З тых часоў мы нічога пра яго не чулі і не ведаем, ці жывы ён”, — падкрэсліла Ціханоўская.

Гэтай выставай дэмакратычныя сілы нагадваюць свету аб “несправядлівасці, якая адбываецца прама цяпер”, сказала яна.

“Нядаўнія кранальныя кадры з сірыйскіх турмаў, фатаграфіі сем’яў, якія ўз’ядналіся, паказваюць, што дыктатуры не вечныя і што турэмныя сцены бурацца. Пасля перамогі нашай мірнай рэвалюцыі людзей не будуць саджаць у турму за іх палітычныя погляды, за крытыку ўрада. Яны не будуць цярпець ад катаванняў у адзіночных камерах, ім не будзе адмоўлена ў медыцынскай і юрыдычнай дапамозе, а таксама ў праве на зносіны са сваімі блізкімі. Больш ніколі. Рэпрэсіі сыдуць у гісторыю”, — падкрэсліла Ціханоўская.

Дні Беларусі, арганізаваныя Еўрапейскай службай знешніх дзеянняў (ЕСЗД) і Еўракамісіяй у супрацоўніцтве з Еўрапарламентам, праходзяць 9-13 снежня ў Бруселі.

(Выкарыстаны матэрыялы офіса Святланы Ціханоўскай.)