У Гродне гарэла падземная цеплавая камера, адзін загінулы
Ліквідацыя пажару ў цеплакамеры
21 снежня, Позірк. Падземная цеплавая камера загарэлася на вуліцы Белуша ў Гродне, паведаміла МНС.
Знойдзены загінулы, яго асоба высвятляецца.
Для тушэння пажару прыцягвалася шэсць аддзяленняў супрацоўнікаў МНС.
Узгаранне ліквідавана, працягваецца абследаванне цеплатрасы. Прычына інцыдэнту высвятляецца.
Цеплавыя камеры на цеплатрасах — гэта збудаванні з жалезабетону, якія забяспечваюць іх працу, а таксама абарону вузлоў ад негатыўнага ўздзеяння чалавека і прыроды.