З пачатку года на пажарах у Беларусі загінула 84 чалавекі

5 лютага, Позірк. За мінулыя дзяжурныя суткі (з 6:00 4 лютага да 6:00 5 лютага) ад агню ў Беларусі загінуў адзін чалавек, сведчыць аператыўная зводка Міністэрства па надзвычайных сітуацыях.

Паводле звестак Брэсцкага абласнога ўпраўлення МНС, трагедыя адбылася ў Баранавічах. У гарэлай кватэры па вул. Гарадзейскія ратавальнікі знайшлі цела гаспадара жылля. Прычына пажару высвятляецца.

З пачатку года ў Беларусі адбыўся 601 пажар — на 3,8% менш, чым за той жа перыяд 2024-га (625). Загінула 84 чалавекі (-3,5%; 87), у тым ліку адно дзіця (аналагічна); траўмавана — 53 (-3,6%; 55), выратавана — 50 (-13,8%; 58).