9 лютага, Позірк. Дэмакратычны лідар Беларусі Святлана Ціханоўская 10 лютага наведае Брусель, паведаміў “Позірку” яе галоўны дарадца Франак Вячорка.
Палітык сустрэнецца з кіраўнікамі Еўрапейскага парламента Робертай Метсола і Еўрапейскага савета Антоніу Коштай, каб “абмеркаваць ключавыя пытанні бяспекі і палітычнай сітуацыі ў Беларусі і рэгіёне”.
“Асноўныя тэмы абмеркавання: рэгіянальная бяспека (пагрозы, звязаныя з ваеннай прысутнасцю Расіі ў Беларусі, і іх шырэйшыя наступствы для бяспекі Еўропы); Беларусь у кантэксце мірных перамоў па Украіне”, — сказаў Вячорка.
Таксама сярод прыярытэтаў названа вызваленне палітвязняў і “ўзмацненне міжнароднага ціску на рэжым” для гэтага, падтрымку грамадзянскай супольнасці і незалежных медыя.
Будзе абмяркоўвацца сумесная стратэгія ўзгаданых органаў па Беларусі на 2025 год, дадаў дарадца.
