“Кааліцыя Латушка і Рух “За Свабоду” у КР вылучыла кандыдатуру Веранікі Станкевіч на пасаду прадстаўніцы па сацыяльнай палітыцы АПК

17 верасня, Позірк. Аб вылучэнні кандыдатуры Веранікі Станкевіч на пасаду прадстаўніцы па сацыяльнай палітыцы ў Аб’яднаным пераходным кабінеце (АПК) паведаміла фракцыя “Кааліцыя Латушка і Рух “За Свабоду” ў Каардынацыйнай радзе.

Структура, як паведамляецца ў яе тэлеграм-канале, прапануе правесці слуханні па яе кандыдатуры на наступным агульным паседжані КР і выставіць пытанне на галасаванне.

Пазіцыю прадстаўніка Аб’яднанага пераходнага кабінета по сацыяльнай палітыцы да 9 жніўня ўзначальвала Вольга Зазулінская, якая цяпер кіруе Місіяй дэмакратычных сіл Беларусі ў Кіеве. Святлана Шаціліна, якая раней узначальвала місію, была абраная ў Каардынацыйную раду і працягне там сваю працу, у тым ліку па ўкраінскім напрамку”.

Абавязкі на пасадзе ў АПК часова выконвае Юлія Міцкевіч (экс-намесніца Зазулінскай).

30-гадовая Станкевіч — сябра КР, каардынатар ініцыятывы “Вольныя”, якая дапамагае былым палітзняволеным.