Урад зацвердзіў пагадненне з Кыргызстанам аб прызнанні і абмене вадзіцельскіх пасведчанняў

17 верасня, Позірк. Аб зацвярджэнні Пагаднення з Кыргызстанам аб узаемным прызнанні і абмене нацыянальных вадзіцельскіх пасведчанняў паведаміў урад.

Дакумент быў падпісаны 5 чэрвеня 2026 года ў Бішкеку падчас афіцыйнага візіту прэм’ер-міністра Аляксандра Турчына.

Згодна з пагадненнем, бакі ўзаемна прызнаюць пасведчанні кіроўцы, выдадзеныя кампетэнтнымі органамі дзвюх дзяржаў.

Таксама прадугледжана магчымасць абмену вадзіцельскіх пасведчанняў без здачы тэарэтычных і практычных экзаменаў пасля атрымання дазволу на пастаяннае пражыванне.

У траўні паведамлялася аб зацвярджэнні урадам аналагічнага пагаднення з Азербайджанам.