Увесь тыдзень на біржавых таргах долар, еўра, юань таннелі, расійскі рубель даражэў

23 кастрычніка, Позірк. Долар, еўра і юань патаннелі, расійскі рубель падаражэў на таргах Беларускай валютна-фондавай біржы 23 кастрычніка 2026 года. Такая ж дынаміка назіралася ўвесь працоўны тыдзень.

Курс долара знізіўся да 2,946 рубля (-0,28%; -0,0083), еўра — да 3,2997 (-0,64%; -0,0213), юаня — да 4,4188 рубля за 10 (-0,35%; -0,0153). Расійскі рубель падаражэў да 3,6597 за 100 (+0,38%; +0,0137).

На працоўным тыдні, які адыходзіць (19-23 кастрычніка), курс долара знізіўся на 1,64% (з 2,995 да 2,946 рубля), юаня — на 1,46% (з 4,4845 да 4,4188 за 10), еўра — на 1,66% (з 3,3555 да 3,2997); расійскі рубель падаражэў на 1,30% (з 3,6127 да 3,6597 за 100).

Афіцыйны курс долара ў Беларусі за дзевяць месяцаў 2026 года вырас на 4,33% (з 2,9027 да 3,0285 рубля). Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз катыровак цэнтрабанкаў.

Па выніках студзеня — жніўня Беларусь была трэцяй. На першых пазіцыях Расія, дзе долар падаражэў на 7,93% (з 78,2267 да 84,4283 рубля), Украіна — 5,84% (з 42,3878 да 44,8624 грыўны) і Малдова — 5,75% (з 16,7925 да 17,7575 лея).

Менш вырасла каціроўка долара ў Латвіі, Літве, Эстоніі — на 3,48% (з 0,8511 да 0,8624 еўра), а таксама ў Кыргызстане — на 0,04% (з 87,4177 да 87,4483 сома).

У верасні долар у Беларусі патаннеў на 0,37% — чацвёртае месца пасля Казахстана (-5,47%), Расіі (-1,37%) і Арменіі (-0,45%).