У Польшчы два грамадзяніны Беларусі арыштаваныя па абвінавачванні ў кантрабандзе наркотыкаў

23 кастрычніка, Позірк. Раённы суд у Еленя-Гуры (Польшча) паводле хадайніцтва акруговага пракурора ўжыў часовы арышт у дачыненні да двух грамадзян Беларусі (23-гадовага мужчыны і 24-гадовай жанчыны), затрыманых пры спробе завезці ў краіну наркотыкі, паведаміла прэс-служба мясцовай пракуратуры.

Ім прад’яўленыя абвінавачванні, у прыватнасці, у злачынстве, прадугледжаным ч. 3 арт. 55 закона аб супрацьдзеянні наркаманіі, якое тычыцца значнай колькасці наркотыкаў.

За гэтае злачынства прадугледжана пакаранне ў выглядзе пазбаўлення волі на тэрмін ад 3 да 30 гадоў.