За два месяцы Літва перахапіла 99 партый кантрабандных цыгарэт, дастаўленых з Беларусі па паветры
1 сакавіка, Позірк. За два месяцы 2025 года літоўскія памежнікі перахапілі 99 партый кантрабандных цыгарэт, дастаўленых з Беларусі з дапамогай паветраных шароў, вынікае з паведамлення Службы аховы дзяржаўнай мяжы (САДМ) гэтай балтыйскай дзяржавы.
Паводле даных ведамства, за ўвесь 2024 год было перахоплена 226 партый кантрабандных беларускіх цыгарэт, якія трапілі на літоўскую тэрыторыю такім спосабам, у 2023-м — тры, у 2022-м — аніводнай.
Новыя факты зафіксаваныя 28 лютага. Супрацоўнікі літоўскай памежнай службы перахапілі ля мяжы з Беларуссю — у Друскінінкайскім самакіраванні і Варэнскім раёне — чатыры партыі кантрабандных цыгарэт на паветраных шарах, агулам 5,8 тыс. пачкаў. Распачатае дасудовае расследаванне.
У САДМ мяркуюць, што “дыстанцыйныя спосабы перавозкі кантрабанды”, асабліва з дапамогай аэрастатаў, сталі ўсё часцей прымяняцца праз фізічны бар’ер, збудаваны на мяжы з Беларуссю для абароны ад нелегальных мігрантаў, а таксама праз укаранёную сістэму відэаназірання.
Рэзка ўзрасла кантрабанда цыгарэт з Беларусі ў Літву
28 лютага, Позірк. З пачатку 2025 года літоўскія памежнікі перахапілі 2 млн 83 тыс. пачак нелегальных цыгарэт, тады як за ўвесь 2024 год — 1,4 млн, паведамляе прэс-служба Службы аховы дзяржаўнай мяжы Літвы (САДМ). Адзначаецца значнае павелічэнне колькасці кантрабандных цыгарэт, …