Ціханоўская: Трываласць Літвы натхняе беларусаў

11 сакавіка, Позірк. Мужнасць і трываласць Літвы працягваюць натхняць беларусаў у імкненні да свабоды і дэмакратыі, заявіла 11 сакавіка дэмакратычны лідар Святлана Ціханоўская, віншуючы літоўскі народ з 35-й гадавінай аднаўлення незалежнасці.

“Мы ўдзячныя вам за нязменнае сяброўства, салідарнасць і падтрымку. Ačiū, Lietuva! (“Дзякуй, Літва!” — “Позірк”.)”, — напісала палітык на сваёй старонцы ў сацыяльнай сетцы Х.

Пасля падзей 2020 года Літва стала адной з краін, што прыняла вялікую колькасць беларусаў, якія ўцяклі ад рэпрэсій і палітычных пераследаў.

На 1 студзеня 2025 года 57.511 беларусаў мела дзейны дазвол на жыхарства ў Літве.