Паводле даных Нацбанка, працэнтныя стаўкі па крэдытах для юрыдычных асоб зніжаюцца, для фізічных асоб — растуць

18 сакавіка, Позірк. Сярэднія стаўкі па крэдытах банкаў (тут і далей без уліку міжбанкаўскіх крэдытаў) выраслі ў лютым на 0,3 працэнтнага пункта (з 10,36% да 10,66%), сведчыць праведзены “Позіркам” аналіз даных Нацыянальнага банка.

У лютым 2024 года сярэдняя стаўка была роўная 9,71%, у сакавіку — 9,79%, красавіку — 9,83%, траўні — 9,88%, чэрвені — 9,92%, ліпені — 9,99%, жніўні — 10,11%, верасні — 10,18%, кастрычніку — 10,28%, лістападзе — 10,33%, снежні — 10,01%.

Для юрыдычных асоб у лютым 2025 года стаўка стала меншай на 0,01 п.п. (з 9,77% да 9,76%); для фізічных асоб — большай на 0,04 п.п. (з 11,25% да 11,29%).

Сярэднія працэнтныя стаўкі па новых крэдытах банкаў знізіліся на 0,39 п.п. (з 11,48% да 11,09%): для юрасоб — на 0,43 п.п. (з 11,6% да 11,17), для фізасоб выраслі на 0,03 п.п. (з 10,41% да 10,44%).

Стаўкі аднадзённага міжбанкаўскага рынку выраслі адразу на 3,51 п.п. (з 5,93% да 9,44%), стаўкі па абавязацельствах банкаў — на 0,23 п.п. (з 6,68% да 6,91%).

Па ўсіх тэрміновых банкаўскіх укладах сярэднія працэнтныя стаўкі павялічыліся на 0,29 п.п. (з 11,12% да 11,41%), па новых банкаўскіх укладах — на 1,52 п.п. (з 9,9% да 11,42%).

На сакавік 2025 года Нацыянальны банк павялічыў значэнні разліковых велічынь стандартнага рызыкі (РВСР). Па крэдытах (новых у беларускіх рублях, за выключэннем ільготных) для юрыдычных асоб РВСР устаноўленыя на ўзроўні 12,87%, для фізічных асоб — 18,18%.

Са жніўня 2024 года па люты 2025-га велічыні заставаліся на ўзроўні 12,5% і 17,71% адпаведна. Такім чынам, рэгулятар павялічыў РВСР на 0,37 і 0,47 п.п.

На студзень мінулага года РВСР былі ўстаноўленыя на ўзроўні 11,26% і 16,44% адпаведна, люты — красавік — 11,61% і 16,33%, май — ліпень — 11,98% і 17,22%.

Запазычанасць па рублёвых і валютных крэдытах, выдадзеных банкамі юрыдычным асобам, на 1 лютага 2025 года склала 60 млрд 76,9 млн рублёў, сведчаць даныя Нацыянальнага банка (традыцыйна публікуюцца з затрымкай на месяц).

Праведзены “Позіркам” аналіз паказаў, што актуальная сума доўгу на 13,7% большая за тую, што была на 1 лютага 2024-га (52 млрд 821,7 млн рублёў).

На 1 студзеня 2025 года запазычанасць складала 58 млрд 952,8 млн рублёў (+12,5% да 1 студзеня 2024-га).

Пратэрмінаваная запазычанасць на 1 лютага склала 780,5 млн рублёў (рост у 1,9 раза). На 1 студзеня яна складала 733,5 млн рублёў (рост у 3,4 раза).