У “спіс тэрарыстаў” дададзена восем чалавек (дапоўнена)

21 красавіка, Позірк. Камітэт дзяржаўнай бяспекі 21 красавіка ўнёс у спіс “асоб, якія маюць дачыненне да тэрарыстычнай дзейнасці”, яшчэ восем чалавек. Змяненні адлюстраваны ў дакуменце, апублікаваным у спецыяльным тэлеграм-канале КДБ.

Гэта асуджаныя на невядомыя тэрміны і прызнаныя раней палітвязнямі Сяргей Горлаў (арт. 361, 368, 130 Крымінальнага кодэкса) і былыя сілавікі з Жодзіна (Мінская вобласць) Дзмітрый Удовін, Андрэй Дарошка, Вячаслаў Ільіч, Ігар Кісляк і Віталь Папрэцкі. калегам з просьбай не станавіцца карнікамі (асуджаныя ў 2025 годзе паводле арт. 361 і 130; унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці).

Таксама пералік папоўнілі Сяргей Зеляноўскі (арт. 361) і Віктар Кухарчук (арт. 130) — прысуды невядомыя.

Рашэнні судоў уступілі ў сілу.

У “спісе тэрарыстаў” 1.385 пазіцыі і 1.276 чалавек, з іх не менш за 588 — грамадзяне Беларусі. Абвешчаным “тэрарыстамі” зняволеным забаронена атрымліваць грашовыя пераводы.

Даведка “Позірку”:

ст. 130 Крымінальнага кодэкса — распальванне расавай, нацыянальнай, рэлігійнай або іншай сацыяльнай варожасці або варожасці;

361 — заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы;

368 — абраза прэзідэнта.