Польскія памежнікі затрымалі беларуску, якая нелегальна знаходзілася ў краіне 303 дні

18 сакавіка, Позірк. Аб затрыманні грамадзянкі Беларусі паведаміла 18 сакавіка прэс-служба Пагранічнай аховы Польшчы.

Жанчына была затрыманая разам з яшчэ 11 замежнікамі, якія “парушылі правілы знаходжання на тэрыторыі Польшчы”, адзначае пагранслужба.

Прозвішча і ўзрост беларускі не называюцца, удакладняецца, што тэрмін дзеяння яе візы скончыўся 303 дні таму.

Паведамляецца, што як і іншыя затрыманыя (грамадзяне Бангладэш, Грузіі, Інданезіі, Малдовы і Узбекістана), беларуска павінна пакінуць Польшчу цягам 30 дзён.

Усім 11 замежнікам забаронены паўторны ўезд у Шэнгенскую зону “тэрмінам на 1–2 гады”, адзначылі ў ведамстве.