17 красавіка, Позірк. Навальніцы чакаюцца ў асобных раёнах Беларусі 17 красавіка, паведамляе прэс-служба Міністэрства па надзвычайных сітуацыях.
Чакаецца пераменная воблачнасць. Раніцай месцамі слабы туман; у гэты ж час на большай тэрыторыі краіны, а днём — месцамі па паўночным усходзе пройдуць кароткачасовыя дажджы. Максімальная тэмпература паветра ўдзень — 19–25 градусаў цяпла, на поўдні і паўднёвым захадзе — да 28 градусаў.
Будзе паўднёвы вецер хуткасцю 4–9 метраў на секунду (у дыяпазоне 3–5 балаў з 12 па шкале Бофарта; класіфікуецца ў парадку ўзрастання як слабы, умераны і свежы), пры навальніцах — парывы да 14 м/с.
У такіх умовах надвор’я, папярэджвае МНС, магчымае “пашкоджанне (абрыў) ліній сувязі і электраперадачы, адключэнне электрычных падстанцый, электраэнергіі ў населеных пунктах”, а таксама ўзнікненне лясных пажараў, пажараў у жылых і вытворчых будынках.
