У рамках праверкі боегатоўнасці адпрацавана ўварванне дыверсантаў — Вальфовіч
4 траўня, Позірк. У рамках праверкі боегатоўнасці Узброеных сіл адпрацавана ўварванне дыверсантаў, вынікае са слоў дзяржсакратара Савета Бяспекі Аляксандра Вальфовіча.
“На гэтым этапе праверкі падвергліся шэраг спецыфічных воінскіх часцей: радыёэлектроннай барацьбы, зенітна-ракетныя падраздзяленні і воінскія часці па прымяненню беспілотнай авіяцыі, якія сёння маюць асаблівую цікавасць і актуальнасць у ходзе вядзення сучасных баявых дзеянняў”, — сказаў ён у эфіры праграмы “Арсенал” на тэлеканале “Беларусь 1” (паказана 4 траўня).
У якасці супрацьлеглага боку ў час манеўраў былі задзейнічаны “падраздзяленні не са складу ўзброеных сіл, а з іншых структур ваеннай арганізацыі дзяржавы”, дадаў ён.
Паводле Вальфовіча, гэта зроблена “для таго, каб больш аб’ектыўна <…> падысці да ацэнкі дзеянняў па раптоўным уварванні, нападзенні дыверсійна-разведвальных груп праціўніка, незаконных узброеных фарміраванняў”.
Ужо чацвёрты месяц запар улады правяраюць баявую гатоўнасць войска. Першая праверка была абвешчана 3 лютага. Фактычна без дакладнага завяршэння першай пачалася другая — 24 сакавіка.
Рэжым Аляксандра Лукашэнкі няспынна праводзіць вучэнні, трэніроўкі, зборы на фоне абвастрэння адносін з Захадам і поўнамаштабнай вайны Расіі супраць Украіны, у якой афіцыйны Мінск падтрымлівае Крэмль.
На вучэннях у Асіповіцкім раёне вайскоўцы адпрацоўваюць “зачыстку акопаў умоўнага праціўніка”
24 красавіка, Позірк. “Дзеянні ў наступленні”, а таксама "штурм і зачыстку акопаў умоўнага праціўніка" адпрацоўваюць вайскоўцы на батальённых тактычных вучэннях, якія праходзяць на палігоне Асіповіцкі (Магілёўская вобласць). Як паведамляе прэс-служба Міністэрства абароны, вучэнні праводзяцца ў адным батальёнаў 120-й асобнай гвардзейскай …
