Прадстаўніца АПК па сацпалітыцы ў Дзень барацьбы за правы інвалідаў заклікала беларусаў не быць абыякавымі
Прадстаўніца АПК па сацпалітыцы Вольга Зазулінская
5 траўня, Позірк. У Беларусі жыве 560 тыс. людзей з інваліднасцю, у тым ліку больш за 30 тыс. дзяцей, якія сутыкаюцца з побытавымі і медыцынскімі цяжкасцямі, фізічнымі, юрыдычнымі і сацыяльнымі бар’ерамі, заявіла 5 траўня прадстаўніца Аб’яднанага пераходнага кабінета (АПК) Вольга Зазулінская з нагоды Міжнароднага дню барацьбы за правы інвалідаў.
“Яны часта не могуць рэалізаваць нават свае базавыя правы, — цытуе палітыка прэс-служба АПК. — Пры гэтым голас людзей з інваліднасцю не чутны, а незалежныя ініцыятывы і СМІ, якія маглі б ім дапамагчы, знішчаюцца”.
Паводле слоў Зазулінскай, хацелася б бачыць у Беларусі сацыяльную палітыку, але “яе не існуе”, замест яе беларусаў “чакае залежнасць ад рашэнняў лаяльных рэжыму чыноўнікаў”.
“У сацыяльна арыентаванай дзяржаве людзі і іх жыццё не вызначаюцца толькі тым, што напісана ў іх медыцынскіх даведках, яны проста жывуць. З магчымасцямі, бачнасцю, павагай, — канстатавала прадстаўніца АПК. — Але ў Беларусі пакуль няма сапраўды сацыяльна арыентаванай дзяржавы. Застаецца спадзяванне на супольнасць і яе салідарнасць”.
“Таму мы заклікаем: не будзьце абыякавымі. Побач з намі людзі, якія праз інваліднасць і адначасова праз рэпрэсіі апынуліся ў выключна цяжкай сітуацыі”, — дадала яна.
Зазулінская паведаміла, што на платформе дабрачыннага фонду “Краіна для жыцця” адкрыты збор, “які можа стаць для” людзей з інваліднасцю “шанцам на лепшае жыццё”.
Рэжым Лукашэнкі не бачыць у людзях з інваліднасцю роўных грамадзян — Ціханоўская
5 траўня, Позірк. У Беларусі больш за 560 тыс. людзей з інваліднасцю, але іх праблемы часта застаюцца нябачнымі, адзначыла дэмакратычны лідар Святлана Ціханоўская 5 траўня ў звароце з нагоды Міжнароднага дня барацьбы за правы інвалідаў. "Бар’еры існуюць не толькі на вуліцах …
