Беларусь заняла чацвёртае месца па росце цэн за пяць месяцаў 2025 года на тэрыторыі былога СССР
19 чэрвеня, Позірк. Беларусь з паказчыкам 4,45% заняла чацвёртае месца па росце спажывецкіх цэн у студзені — траўні 2025 года на тэрыторыі былога СССР, сведчыць праведзены “Позіркам“ аналіз даных нацыянальных органаў статыстыкі (у студзені — 0,69%, 10-е месца; у студзені — лютым — 2,01%, 6-е; у студзені — сакавіку — 2,79%, 5-е; у студзені — красавіку — 3,77%, 4-е).
У першай тройцы: Казахстан (6,1%), Украіна (5,6%) і Малдова (4,95%).
У траўні цэны ў Беларусі павялічыліся на 0,66% — пятае месца пасля Узбекістана (1,5%), Украіны (1,3%), Кыргызстана (1,1%) і Казахстана (0,9%).
Для параўнання: у Польшчы цэны ў траўні знізіліся на 0,2%, з пачатку года — выраслі на 1,7%.
