У Пінскім раёне падлетак патануў у Прыпяці
Прыпяць ля вёскі Красава (Пінскі раён Брэсцкай вобласці)
23 чэрвеня, Позірк. 15-гадовы юнак патануў у рацэ Прыпяць у Пінскім раёне (Брэсцкая вобласць), паведаміла 23 чэрвеня прэс-служба Следчага камітэта.
Паводле інфармацыі ведамства, напярэдадні ўвечары чацвёра падлеткаў прыехалі ў вёску Красава пакупацца ў рацэ. Адзін з іх “сышоў пад ваду і праз моцную плынь не змог выплыць”.
“Яго сябры звярнуліся па дапамогу да гаспадара бліжэйшага дома, і мужчына паспрабаваў самастойна знайсці падлетка ў рацэ, — гаворыцца ў паведамленні. — Аднак ратавальнікі, якія пазней прыбылі, дасталі з вады маладога чалавека без прыкметаў жыцця”.
Следча-аператыўная група агледзела месца здарэння і апытала відавочцаў. Прызначаная судова-медыцынская экспертыза.
Адзначаецца, месца, дзе плавалі падлеткі, “не абсталяванае для купання”.
У справе разбіраецца Пінскі міжраённы аддзел СК.
Пад Мінскам патануў 16-гадовы падлетак, у Цнянскім вадасховішчы — малады чалавек 2005 года нараджэння
22 чэрвеня, Позірк. Пра гібель на вадзе 16-гадовага мінчука паведамляе Следчы камітэт. Адзначаецца, што ўдзень 21 чэрвеня разам з сябрамі ён прыехаў да штучнага вадаёма паблізу вёскі Клімавічы (Мінскі раён), каб “адпачыць і выкупацца”. "Каля 18 гадзін яго таварышы выявілі, …
ТРВОД паведаміў яшчэ аб адным патанулым — мужчына загінуў у Светлагорску
22 чэрвеня, Позірк. Пра ўтапленне ў Светлагорску (Гомельская вобласць) мужчыны паведамляе Рэспубліканскае таварыства ратавання на водах (ТРВОД). "Увечары 21 чэрвеня на Светлагорскую выратавальную станцыю ТРВОД паступіла паведамленне аб тым, што ў раёне Набярэжнай [у рацэ Бярэзіна] тоне мужчына. Калі выратавальны …
