Ціханоўская абмеркавала з дыпламатамі вызваленне палітвязняў, паведаміла пра планы дэмсіл

9 ліпеня, Позірк. Крокі па вызваленні беларускіх палітвязняў абмеркавала з дыпламатамі з 22 краін дэмакратычны лідар Святлана Ціханоўская. Закрыты брыфінг адбыўся 9 ліпеня ў Вільнюсе, у амбасадзе Даніі, якая з 1 ліпеня на паўгода пераняла функцыі старшыні ў Савеце ЕС, паведаміў “Позірку” галоўны дарадца палітыка Франак Вячорка.

У сустрэчы ўзялі ўдзел амбасадары і супрацоўнікі дыпламатычных прадстаўніцтваў Арменіі, Вялікабрытаніі, Германіі, Даніі, ЗША, Ізраіля, Іспаніі, Італіі, Канады, Латвіі, Літвы, Нарвегіі, Нідэрландаў, Паўднёвай Карэі, Польшчы, Румыніі, Фінляндыі, Францыі, Харватыі, Чэхіі, Швецыі, Эстоніі, а таксама Еўрапейскай камісіі.

Вызваленне сёлета ў лютым і чэрвені груп палітвязняў, сярод якіх быў Ціханоўскі, колішнія журналісты “Радыё Свабода” Андрэй Кузнечык, Ігар Карней, паводле слоў дэмлідара, “стала магчымым дзякуючы агульным намаганням ЗША, ЕС, шэрагу еўрапейскіх краін”, а таксама “ціску, салідарнасці і дыпламатыі”.

“Гэта паказала: усё магчыма, калі мы скаардынаваныя, адзіныя і паслядоўныя. Але вызвалена толькі 1,5% палітвязняў. Больш за 1.150 застаюцца за кратамі. Рэпрэсіі ўзмацняюцца. І мы павінны змагацца за кожнага”, — заявіла Ціханоўская.

“Лукашэнка хоча, каб санкцыі былі знятыя без рэальных змен. Але змены павінны быць незваротныя. Спыненне рэпрэсій і вызваленне палітвязняў — першы крок да нацыянальнага дыялогу, якога так патрабуе беларускае грамадства”, — адзначыла палітык.

Падрабязнасці даступныя падпісчыкам “Позірк+”