20 ліпеня, Позірк. Аб затрыманні ў Смалявіцкім раёне нецвярозага вадзіцеля паведамляе УУС Мінскага аблвыканкама.
Гэта адбылося 19 ліпеня каля 17 гадзін у вёсцы Зялёны Бор, затрыманы 39-гадовы мясцовы жыхар.
“Мужчына ў стане алкагольнага ап’янення (узровень утрымання алкаголю ў яго крыві склаў 1,56 праміле) кіраваў матацыклам “Мінск”, не маючы пры сабе пасведчання кіроўцы на права кіравання гэтым транспартным сродкам, а таксама рэгістрацыйныя знакі”, — гаворыцца ў паведамленні.
Адзначаецца, што “супрацоўнікі АМАПу, выкарыстоўваючы сродкі гучнай сувязі і пробліскавыя маячкі сіняга колеру, патрабавалі спыніцца”, аднак “кіроўца не адрэагаваў на правамерныя дзеянні праваахоўнікаў і паспрабаваў уцячы”.
Падкрэсліваецца, што пры затрыманні “ні ён, ні пасажыр не пацярпелі”.
У дачыненні да затрыманага “складзена дзевяць пратаколаў”.
“Для забеспячэння бяспекі грамадзян міліцыя Міншчыны працягне на пастаяннай аснове выяўляць нецвярозых парушальнікаў. Для гэтага будуць задзейнічаныя не толькі супрацоўнікі Дзяржаўтаінспекцыі, але і прадстаўнікі іншых службаў. Задача праваахоўнікаў — забяспечыць выкананне ПДР і бяспечную абстаноўку на дарогах у Мінскай вобласці”, — заявілі ва УУС Мінаблвыканкама.
