У Беларусі працягваюць зніжацца продажы тавараў айчыннай вытворчасці
8 жніўня, Позірк. Доля продажаў тавараў айчыннай вытворчасці ў аб’ектах гандлю па выніках першага паўгоддзя 2025 года склала 54,6% (за аналагічны перыяд 2024-га — 57,9%, 2023-га — 60,9%), сведчыць праведзены “Позіркам” аналіз даных Нацыянальнага статыстычнага камітэта.
Адмоўная дынаміка зафіксаваная ва ўсіх рэгіёнах і сталіцы:
Брэсцкая вобласць — 62,3% (67,3% і 66,4% адпаведна);
Віцебская вобласць — 62,7% (67,7% і 66,6%);
Гомельская вобласць — 60,7% (65,5% і 64,5%);
Гродзенская вобласць — 62,1% (67,5% і 66,2%);
Мінская вобласць — 57,9% (66,7% і 63,1%);
Магілёўская вобласць — 62,5% (66,4% і 65,8%);
Мінск — 41,3% (47,8% і 43,5%).
