Рассельгаснагляд не прапусціў у Беларусь адну тону дынь

9 верасня, Позірк. Пра забарону вывазу ў Беларусь з тэрыторыі Бранскай вобласці (РФ) адной тоны дынь паведаміла Федэральная служба па ветэрынарным і фітасанітарным наглядзе (Рассельгаснагляд).

Адзначаецца, што дыні перавозіліся без фітасанітарнага сертыфіката, які павінен быў пацвердзіць іх паходжанне і адпаведнасць патрабаванням краіны-атрымальніка.

У сувязі з гэтым груз вернуты адпраўніку, а “вінаватая асоба прыцягнута да адміністрацыйнай адказнасці”, гаворыцца ў паведамленні.

У ліпені Рассельгаснагляд не прапусціў у Беларусь 22 тоны кавуноў, вырашчаных у паўднёвых рэгіёнах Расіі, паколькі яны перавозіліся з несапраўдным фітасанітарным сертыфікатам.

У чэрвені ведамства па той жа прычыне не прапусціла ў Беларусь 18 тон агуркоў.