Палітвязнямі прызнана яшчэ 23 чалавекі

22 снежня, Позірк. Праваабарончая супольнасць прызнала палітычнымі зняволенымі яшчэ 23 чалавекі, вынікае з дзвюх адпаведных з заяў, прынятых 22 снежня.

Паводле аднаго з іх, апублікаванага у тым ліку на сайце праваабарончага цэнтру “Вясна“, статусам надзелена дзевяць чалавек, пазбаўленых волі паводле арт. 368 Крымінальнага кодэкса (абраза прэзідэнта).

Гэта Ігар Чарпакоў, Валерый Пазьнякевіч, Яўген Сіцько, Уладзімір Леасевіч, Раман Канцавы (таксама арт. 369 КК (абраза службовай асобы да пазбаўлення волі)), Валерый Сахарчук, Уладзімір Ісаеў (таксама паводле арт. 361 (заклікі да мер абмежавальных характараў, санкцыяў) бяспекі)), Вадзім Сычугоў (таксама арт. 369, арт. 370 (здзек з дзяржаўных сімвалаў) і Дзяніс Пяткевіч (паводле арт. 361).

Яшчэ 14 чалавек прызнана палітвязнямі паводле другой заявы.

Гэта асуджаныя да пазбаўлення волі ў сувязі з узаемадзеяннем з “экстрэмісцкімі фармаваннямі“ Павел Іваноў, Валерый Залівака, Віталь Петручук, Аляксандр Караткевіч, Павел Шарко, Сяргей Салаш, Юрый Храмееў, Мікалай Ішчук, Уладзіслаў Якубоўскі, Уладзіслаў Макарэвіч, Сяргей Біркоўскі, Сяргей Сікорскі, Сяргей Стрыбускі, Аляксандр Бігель і Уладзіслаў Горскі.

Праваабаронцы патрабуюць неадкладна вызваліць усіх палітвязняў і спыніць рэпрэсіі ў Беларусі.

Дакумент падпісалі праваабарончы цэнтр “Вясна”, Lawtrend, Respect-Protect-Fulfill, “Прававая ініцыятыва” і Беларуская асацыяцыя журналістаў (БАЖ).

Першая заява падпісана тымі ж арганізацыямі за выключэннем БАЖ. Таксама гэты дакумент падпісалі Беларускі дом правоў чалавека ім. Барыса Звозскава і Беларускі ПЭН.

На 22 снежня ў Беларусі 1.124 чалавекі, якіх гэтая група праваабарончых арганізацый прызнае палітвязнямі. Рэальная колькасць людзей, якія падвергліся рэпрэсіям у той ці іншай форме, можа быць значна большай.