З жыхара Віцебскай вобласці спагнана 37 тыс. рублёў за незаконны адстрэл аленя
2 лютага, Позірк. У 2025 годзе суды Мінскай вобласці задаволілі 23 іскавыя заявы аб кампенсацыі нанесенай навакольнаму асяроддзю шкоды на агульную суму звыш 130 тыс. рублёў, паведамляе Генеральная пракуратура.
У рэлізе прыводзіцца некалькі прыкладаў такіх рашэнняў.
Аводле пазову пракурора Мінскага раёна суд спагнаў з жыхара Віцебскай вобласці больш за 37 тыс. рублёў за незаконны адстрэл аленя ў забаронены час без дазвольных дакументаў. Адзначаецца, што паколькі парушальнік добраахвотна не кампенсаваў шкоду, справа была разгледжана ў судовым парадку.
Паводле пазову пракурора Бярэзінскага раёна (Мінская вобласць) з мясцовага жыхара спагнаны кошт незаконна высечаных 112 дрэў алешыны чорнай. Сума перавысіла 6 тыс. рублёў.
У дасудовым парадку трое грамадзян добраахвотна кампенсавалі прычыненую прыродзе шкоду ў памеры звыш 3 тыс. рублёў, адзначае нагляднае ведамства.
Усяго па выніках нагляднай дзейнасці па патрабаванні тэрытарыяльных пракурораў Мінскай вобласці ў рэспубліканскі бюджэт паступіла больш за 64 тыс. рублёў.
З 1 кастрычніка дазволена паляванне на рысь, уключаную ў Чырвоную кнігу
1 кастрычніка, Позірк. З 1 кастрычніка 2025 года па 31 студзеня 2026-га ў Беларусі дазволена паляванне на рысь. На сайце Дзяржаўнай інспекцыі аховы жывёльнага і расліннага свету пры прэзідэнце Беларусі адзначаецца, што паляванне на гэтую жывёлу было пад забаронай каля …
