МАРГ просіць дапамогі ФАС у барацьбе з рэалізацыяй у РФ тавараў пад выглядам беларускіх

19 сакавіка, Позірк. Па аказанне садзейнічання ў “вырашэнні пытання рэалізацыі на тэрыторыі Расіі спажывецкіх тавараў пад выглядам беларускіх” звярнулася Міністэрства антыманапольнага ўрэгулявання і гандлю (МАРГ) Беларусі да Федэральнай антыманапольнай службы (ФАС) РФ.

Як паведамляе прэс-служба МАРГ, гаворка пра гэта ішла на першым сумесным паседжанні калегій МАРГ і ФАС 19 сакавіка ў анлайн-рэжыме.

“Меніц паміж <…> Беларуссю і РФ няма, што робіць нашы эканомікі больш адкрытымі адна для адной. Умовы продажу тавараў і паслуг прасцей. Разам з тым гэтымі перавагамі карыстаюцца і нядобрасумленныя ўдзельнікі рынку, якія імкнуцца з выкарыстаннем розных схем і хітрыкаў зарабіць на спажыўцу”, — заявіў беларускі міністр Артур Карповіч.

Такі бізнес чыноўнік прапанаваў аднесці да нядобрасумленнага пасярэдніцтва: “Наша з вамі праца накіравана ў тым ліку на спыненне падобнага роду дзейнасці, фарміраванне справядлівага цэнаўтварэння і, як следства, абароны інтарэсаў радавых спажыўцоў”.

Ведамствы “абмяняліся вопытам па пытаннях рэгулявання дзейнасці гандлёвых інтэрнэт-пляцовак, прымянення штучнага інтэлекту ў антыманапольным кантролі, а таксама кантролі ў дзяржзакупках, абмеркавалі далейшыя сумесныя мерапрыемствы і планы”.

Расейскі бок аб сустрэчы не паведамляе.

У Беларусі ў 2025 годзе МАРТ выявіў парушэнні ў 87% правераных інтэрнэт-крамах.

22 снежня 2025 года МАРТ запатрабаваў ад расійскіх маркетплейсаў “Вайлдберыз” і OZON выключыць з продажу італьянскія макароны.

У ліпені ведамства выявіла на “Вайлдбэрыз” розныя тавары (вокладкі да пашпартоў і налепкі), якія змяшчаюць інфармацыю, якая мае прыкметы “экстрэмісцкай сімволікі і атрыбутыкі”.

У чэрвені МАРТ “накіраваў рэкамендацыі” уладальнікам інтэрнэт-пляцоўкі OZON аб выключэнні з продажу “забароненай прадукцыі з выкарыстаннем сеткі інтэрнэт”.

У лютым — накіраваў “Вайлдберыз” патрабаванне спыніць продаж забароненых тавараў (парфумерыя, касметыка і інш.), “зробленых у краінах, якія ўвялі санкцыі і праводзяць недружалюбную палітыку ў дачыненні да Беларусі”.