Тэмпы росту грашовых даходаў насельніцтва зніжаюцца пяць месяцаў запар

15 красавіка, Позірк. Рэальныя грашовыя даходы насельніцтва Беларусі ў студзені — лютым 2026 года выраслі на 7,2% (месяцам раней — 7,5%) да аналагічнага перыяду 2025-га, сведчаць даныя Нацыянальнага статыстычнага камітэта.

У агульным аб’ёме грашовых даходаў аплата працы займае 64,9% (месяцам раней — 65,5%, трансферты насельніцтву (пенсіі, дапамогі, стыпендыі і іншыя трансферты насельніцтву) — 23,2% (22,4%), даходы ад прадпрымальніцкай ды іншай дзейнасці, якая прыносіць даход, — 7% (доля не змянілася), даходы ад уласнасці ды іншыя даходы — 4,9% (5,1%).

У студзені 2025-га рост складаў 13,8%, студзені — лютым — 12,5%, студзені — сакавіку — 12%, студзені — красавіку — 10,8%, студзені — траўні — 10,5%, студзені — чэрвені — 10,2%, студзені — ліпені і студзені — жніўні — 10%, студзені — верасні — 10,2%, студзені — кастрычніку — 10%, студзені — лістападзе — 9,9%, па выніках 2025 года — 9,6%. З улікам дынамікі на пачатку 2026 года тэмпы росту грашовых даходаў насельніцтва зніжаюцца пяць месяцаў запар.

Падрабязнасці даступныя падпісчыкам “Позірк+”