У ДТЗ пад Кіраўскам загінуў 43-гадовы кіроўца

23 красавіка, Позірк. Аб смяротным дарожна-транспартным здарэнні ў Кіраўскім раёне паведамляе УУС Магілёўскага аблвыканкама.

22 красавіка каля 19:00 паблізу вёскі Падлужжа 43-гадовы кіроўца аўтамабіля “Сітраен”, як паведамляецца, “пры руху па гравійнай дарозе не справіўся з кіраваннем, з’ехаў у правы па ходзе руху кювет і перакуліўся”.

У выніку ДТЗ мужчына загінуў на месцы здарэння.

Колькасць дарожна-транспартных здарэнняў знізілася ў Беларусі за год на 5,5% (з 3.453 у 2024-м да 3.262 у 2025-м), вынікае з праведзенага “Позіркам” аналізу звестак Нацыянальнага статыстычнага камітэта. Колькасць загінулых у ДТЗ скарацілася на 1,8% (з 434 да 426), траўміраваных — на 8,4% (з 3.804 да 3.483).