Тры чалавекі патанулі ў Беларусі на доўгіх выхадных — ТРВОД

22 красавіка, Позірк. На доўгіх выходных (18–21 красавіка) у Беларусі патанулі тры чалавекі, паведамляе Рэспубліканскае таварыства ратавання на водах (ТРВОД).

Усе загінулыя — пенсіянеры.

У Гомельскай вобласці патанулі двое: у Рэчыцкім раёне 19 красавіка ў вадаёме-капані ў метры ад берага было знойдзена цела мужчыны (1950 года нараджэння); у Жыткавіцкім раёне 20 красавіка ў штучным вадаёме аграгарадка Верасніца — жанчыны (1952 г.н.).

У Валожынскім раёне Мінскай вобласці 21 красавіка патанулага мужчыну (1961 г.н.) знайшлі ў паўметры ад берага вадаёма.

Паводле інфармацыі ТРВОД, у 2025 годзе зарэгістравана 492 здарэнні на вадаёмах, у тым ліку 54 — з непаўналетнімі (у 2024-м — 586 і 75 адпаведна; -16% і -28%).

Ад утаплення загінула 278 чалавек (368; -24,5%), у тым ліку 12 непаўналетніх (22; -45,5%).