Беларусь на перадапошнім месцы на тэрыторыі былога СССР па росце спажывецкіх цэн у першым квартале 2026 года
24 красавіка, Позірк. Беларусь з паказчыкам 1,62% заняла перадапошняе месца на тэрыторыі былога СССР па росце цэн у першым квартале 2026 года, сведчыць праведзены “Позіркам” аналіз даных нацыянальных органаў статыстыкі.
У першай пяцёрцы Літва (+4,1%), Украіна (+3,4%), Кыргызстан (+3,3%), Арменія (+3,2%) і Расія (+2,97%).
Менш, чым у Беларусі, цэны павялічыліся ў Таджыкістане (на 1,2%).
У сакавіку з паказчыкам 0,58% Беларусь была 11-й па росце цэн. Менш цэны павялічыліся ў Азербайджане (+0,53%) і Таджыкістане (+0,39%). У Эстоніі зафіксаваная нулявая інфляцыя. Няма звестак па Туркменістане, які вельмі рэдка паведамляе пра дынаміку цэн.
Сярэдняя інфляцыя на тэрыторыі былога СССР у сакавіку 2026 года склала 0,89% супраць 0,68% у лютым.
