Лукашэнка абмеркаваў з Турчыным парадак дня сваёй маючай адбыцца сустрэчы з Пуціным

5 траўня, Позірк. Даклад прэм’ер-міністра Аляксандра Турчына заслухаў 5 траўня Аляксандр Лукашэнка, паведамляе яго прэс-служба.

Прэс-служба ўрада адзначае, што на сустрэчы абмяркоўваўся парадк дня маючых адбыцца перамоваў Лукашэнкі з прэзідэнтам РФ Уладзімірам Пуціным.

“Літаральна ўчора ў мяне адбылася размова з маім калегам —старшынёй урада Расійскай Федэрацыі Міхаілам Мішусціным, — удакладніў Турчын. — У тым ліку мы абмеркавалі магчымы парадак дня сустрэчы нашых кіраўнікоў, нашы сумесныя праекты, далейшыя дзеянні, у тым ліку ў рамках Саюзнай дзяржавы”.

На працягу “літаральна некалькіх наступных дзён” урад падрыхтуе для Лукашэнкі інфармацыю “для размовы з Уладзімірам Пуціным”.

Таксама Лукашэнка і Турчын абмеркавалі “шэраг бягучых пытанняў, якія ў тым ліку тычацца сацыяльна-эканамічнага развіцця краіны”.

Турчын і Мішусцін размаўлялі напярэдадні па тэлефоне.

Лукашэнка плануе сустрэцца з Пуціным падчас візіту ў Маскву з нагоды Дня Перамогі 9 траўня.