Польскі перавозчык спрабаваў незаконна ўвезці ў Беларусь партыю бытавой тэхнікі — ДМК

18 траўня, Позірк. Пра спробу незаконнага ўвозу ў Беларусь бытавой тэхнікі, “адрознай ад заяўленай у прадстаўленых да кантролю дакументах”, паведамляе Дзяржаўны мытны камітэт (ДМК).

Адзначаецца, што ў пункт пропуску Казловічы (з польскага боку Кукурыкі) прыбыў грузавік з партыяй тавару заяўленым коштам каля 55 тыс. рублёў.

Пры даглядзе было ўстаноўлена, што “ў транспартным сродку знаходзіцца не адпаведная заяўленай тэхніка“: “Фактычна ўвозілася 46 адзінак ўбудавальных халадзільнікаў, пральна-сушыльных машын, мікрахвалевых печаў, посудамыйных машын і іншага коштам парадку 250 тыс. рублёў”.

Паводле сцвярджэння ДМК, польскі перавозчык увозіў падобныя вонкава, але розныя па кошце тавары, спрабуючы зэканоміць на мытных плацяжах каля 5 тыс. рублёў. У дачыненні да яго распачаты адміністрацыйны працэс паводле арт. 15.5 КаАП (недэклараванне або прадстаўленне недакладных звестак аб таварах). Перавозчыку пагражае штраф да 30% кошту прадмета адміністрацыйнага правапарушэння.