Усе асноўныя валюты патаннелі пасля доўгіх выходных
6 ліпеня, Позірк. Усе асноўныя валюты патаннелі на Беларускай валютна-фондавай біржы 6 ліпеня — пасля доўгіх выходных.
Курс долара знізіўся да 2,9040 рубля (-0,03%; -0,0010), еўра — да 3,3158 (-0,06%; -0,0021), расійскага рубля — да 3,7287 за 100 (-0,07%; -0,0027), кітайскага юаня — да 4,2787 (-0,18%; -0,0076).
На мінулым — скарочаным — працоўным тыдні (29 чэрвеня — 2 ліпеня) курс долара вырас на 0,67% (з 2,8858 да 2,9050 рубля), еўра — на 1,36% (з 3,2734 да 3,3179), юаня — таксама на 1,36% (з 4,2289 да 4,2863 за 10); расійскага рубля — знізіўся на 0,34% (з 3,7443 да 3,7314 за 100).
Па выніках першай паловы 2026 года афіцыйны курс долара ў Беларусі вырас на 0,13% (з 2,9027 да 2,9066 рубля).
Як сведчыць праведзены “Позіркам” параўнальны аналіз каціровак цэнтрабанкаў, паводле гэтага паказчыку Беларусь сярод краін былога СССР заняла восьмае месца пасля Украіны — 5,80% (42,3878 да 44,8478 грыўні), Малдовы — на 5,21% (з 16,7925 да 17,6669 лея), Латвіі, Літвы, Эстоніі — 3,13% (з 0,8511 да 0,8777 еўра), Узбекістана — 0,30% (з 12.025,33 да 12.060,84 сума) і Таджыкістана — 0,17% (з 9,2513 да 9,2674 самані).
Менш, чым у Беларусі, долар падаражэў у Расіі — на 0,05% (з 78,2267 да 78,2696 рубля) і Кыргызстане — на 0,04% (з 87,4177 да 87,45 сома).
Амерыканская валюта патаннела ў Арменіі — на 3,53% (з 381,36 да 367,89 драма), Казахстане — на 3,33% (з 502,57 да 485,82 тэнге) і Грузіі — 1,85% (з 2,6951 да 2,6693 лары).
