МНС ліквідавала пажар на торфабрыкетным заводзе ў Старобіне
23 жніўня, Позірк. Аб ліквідацыі пажару ў будынку на тэрыторыі Старобінскага торфабрыкетнага завода (Салігорскі раён Мінскай вобласці) паведаміла Міністэрства па надзвычайных сітуацыях.
Інфармацыя аб задымленні на заводзе паступіла ў ведамства 23 жніўня. “Па прыбыцці да месца выкліку падраздзяленняў МНС было выяўлена задымленне на чацвёртым паверсе вытворчага будынка. Падчас выведкі ўстаноўлена, што адбылося загаранне адкладаў тарфянога пылу”, — гаворыцца ў паведамленні.
Адзначаецца, што будынак самастойна пакінулі шэсць чалавек, ніхто не пацярпеў.
На месцы пажару працавалі восем аўтацыстэрнаў, была задзейнічана адна аўталесніца.
Тры пенсіянеры загінулі на пажары ў Слуцкім раёне
23 жніўня, Позірк. Пра гібель на пажары ў Слуцкім раёне (Мінская вобласць) трох пенсіянераў паведаміў Следчы камітэт. Як адзначаецца, трагедыя адбылася ўвечары 22 жніўня ў адным з дамоў вёскі Гольчычы. Пры тушэнні агню работнікамі МНС выяўленыя целы 61-гадовай гаспадыні жылля, …
