7 ліпеня, Позірк. У трох раёнах Беларусі забаронена наведваць лясы, вынікае з актуальных даных інтэрактыўнай карты Міністэрства лясной гаспадаркі.
Забароны ўведзеныя ў Шклоўскім раёне (Магілёўская вобласць), Салігорскім (Мінская) і Жыткавіцкім (Гомельская).
У сямі раёнах уведзеныя абмежаванні. Усе яны размешчаныя ў Брэсцкай вобласці — гэта Столінскі, Лунінецкі, Драгічынскі, Пружанскі, Кобрынскі, Жабінкаўскі і Брэсцкі раёны.
Абмежаванні азначаюць, што ў лясы нельга заязджаць на аўтамабілі і разводзіць там вогнішчы, але даступныя пешыя прагулкі і збор ягад і грыбоў. Пры забароне наведванне лясоў цалкам выключаецца. За парушэнне прадугледжаны штраф.
У астатніх 108 раёнах лясы можна наведваць свабодна.
Аўтарызавацца
Забыліся пароль?
Выхад з профілю
