23 ліпеня, Позірк. Запытаная ў другой палове дня 22 ліпеня на сайце фонду салідарнасці BySol сума ў 6 тыс. еўра сродкаў на пахаванне пісьменніка Святланы Курс сабрана менш чым за суткі.
Згодна з актуальнай інфармацыяй на старонцы збору, ужо ахвяравана больш за 6,5 тыс. еўра.
Публічную цырымонію развітання з пісьменнікам плануецца правесці ў Варшаве (месца і час будзе паведамлена пазней). Пасля гэтага, як чакаецца, цела Курс плануюць перавезці ў Беларусь і там пахаваць.
Каб зрабіць гэта магчымым, сям’я ўзяла крэдыт, на пагашэнне якога і быў адкрыты збор.
54-гадовая Курс памерла 20 ліпеня ад анкалагічнага захворвання.
У траўні 2025 года за няпоўныя чатыры дні для Курс сабралі амаль удвая больш за запытаную суму на лячэнне (каля 20 тыс. еўра).
Пісьменніца пражывала ў польскай сталіцы. Была лаўрэатам прэміі ім. Ежы Гедройца 2021 года за аповесць “Па што ідзеш, воўча?“
