Толькі ў дзесяці раёнах Беларусі дазволена свабодна наведваць лясы

28 ліпеня, Позірк. Бесперашкодна наведваць лясы дазволена толькі ў 10 са 118 раёнаў Беларусі (8,5%), сведчыць інтэрактыўная мапа на сайце Міністэрства лясной гаспадаркі.

У Мінскай вобласці свабодна хадзіць у лясы можна ў Клецкім, Капыльскім, Любанскім, Нясвіжскім, Слуцкім і Старадарожскім раёнах; у Брэсцкай — у Баранавіцкім, Бярозаўскім, Івацэвіцкім і Ляхавіцкім.

Забаронена наведваць лясы ў Брагінскім і Хойніцкім раёнах Гомельскай вобласці.

У астатніх 106 раёнах дзейнічаюць абмежаванні, якія азначаюць, што ў лясы нельга заязджаць на аўтамабілі і разводзіць там вогнішчы, але даступныя шпацыры, збор ягад і грыбоў.

Паводле прагнозу Белгідрамета, удзень 28 ліпеня максімальная тэмпература паветра складзе 23 градусы цяпла.