У Кобрыне рабочы зламаў нагу — на яго ўпала каробка пераключэння перадач “МАЗа”

29 ліпеня, Позірк. У Кобрыне (Брэсцкая вобласць) рабочы атрымаў траўму — на яго ўпала каробка пераключэння перадач, паведаміў Дзяржаўны камітэт дзяржаўных экспертыз (ДКСЭ).

Мужчына дастаўлены ў бальніцу з траўмай галёнкі. У яго дыягнаставаны аскольчаты пералом вялікабярцовай косткі.

Адзначаецца, што цялесныя пашкоджанні кваліфікаваны як цяжкія.

Паводле даных ДКСЭ, рабочы знаходзіўся ў гаражы і займаўся рамонтам грузавога аўтамабіля “МАЗ”. “Падчас ажыццяўлення пад’ёму скрынкі пераключэння перадач пры дапамозе адмысловага механізму шматкілаграмовы агрэгат сарваўся і зваліўся яму на нагу”, — гаворыцца ў паведамленні.

У красавіку 2026 года намеснік міністра працы і сацыяльнай абароны Алег Такун паведаміў, што за апошнія 20 гадоў траўматызм на вытворчасці ў Беларусі скараціўся ў тры разы, смяротны — у два. Паводле яго слоў, у 2025-м зафіксаваны гістарычны мінімум колькасці смяротных выпадкаў на працы — 103.

Паводле даных Мінпрацы, асноўны фактар траўматызму — недапрацоўка наймальніка (недастатковая падрыхтоўка працоўных месцаў, адсутнасць распрацаваных інструкцый, навучання і інш.).