Афіцыйны курс долара ЗША на тэрыторыі былога СССР у ліпені вырас толькі ў Беларусі і Расіі
1 жніўня, Позірк. Афіцыйны курс долара ЗША на тэрыторыі былога СССР у ліпені 2026 года вырас толькі ў Беларусі і Расіі, сведчыць праведзены “Позіркам“ параўнальны аналіз каціровак цэнтрабанкаў.
У Беларусі амерыканская валюта падаражэла на 0,23%, у Расіі — на 2,03%.
У Таджыкістане яна патаннела на 0,16%, ва Украіне — на 0,35%, Узбекістане — на 0,45%, Арменіі — на 0,46%, Грузіі — на 0,71%, Малдове — на 0,79%, Латвіі, Літве, Эстоніі (уваходзяць у зону еўра) — на 0,80%, Казахстане — на 2,30%.
Не змяніліся курсы ў Кыргызстане, Азербайджане (дынаміка адсутнічае з 7 сакавіка 2018 года; курс зафіксаваны на адзнацы 1,7 маната) і Туркменістане (дынаміка адсутнічае з 1 студзеня 2015 года; 3,5 маната).
Па выніках сямі месяцаў 2026 года афіцыйны курс долара ў Беларусі вырас на 0,37% (з 2,9027 да 2,9133 рубля).
