Лукашэнка пацвердзіў, што Коўл ставіў пытанне новых затрыманняў пасля вызвалення палітвязняў

19 лістапада, Позірк. Амерыканская дэлегацыя на перамовах у Мінску ўздымала пытанне новых затрыманняў з палітычных матываў. Гэта пацвердзіў Аляксандр Лукашэнка 19 лістапада на нарадзе з судзейскім корпусам, вынікае з паведамлення яго прэс-службы.
Лукашэнка, ва ўласцівай яму грэблівай форме назваўшы тых, хто пакінуў Беларусь праз палітычны пераслед, “збеглымі”, заявіў, што тыя распаўсюджваюць інфармацыю аб новых затрыманнях у краіне.
“Каб мець абменны фонд <…>. Вось такую тэму амерыканцы паднялі перада мной, на што я ім жорстка адказаў, проста рэзка: “Закон парушыць — будзе сядзець“, — адзначыў ён.
“Другое, што я ім тады сказаў: “Я не дапушчу паўтарэння 2020 года”. Мы не можам дапусціць разбурэння краіны <…>. Не будзем гэта рабіць рэвалюцыйным чынам, таму што гэта прывядзе да самага страшнага — грамадзянскай вайны“, — заявіў Лукашэнка.
15 верасня ў Мінску на сустрэчы са спецыяльным пасланнікам прэзідэнта ЗША па Беларусі Джонам Коўлам Лукашэнка ўжо адпрэчваў новыя палітычна матываваныя затрыманні, як і наяўнасць палітвязняў у прынцыпе: “Нашыя “збеглыя“ разганяюць тэму на Захадзе, і вас, адчуваю, пераканалі ў тым, паводле маіх звестак, што мы кагосьці тут адпускаем, але, працягваючы рэпрэсіі, на гэтае месца ў два разы больш затрымліваем людзей. Я хачу публічна вам сказаць, што гэта абсалютная няпраўда”.
Вядома пра пяць публічных сустрэчах Коўла з Лукашэнкам у Мінску, пасля якіх на волю выйшла агулам 464 чалавекі (21 чэрвеня 2025 года — 14, 11 верасня — 52, 12-13 снежня — 123, 19 сакавіка 2026 года — 250, 15-16 верасня — 25). Многіх прымусова вывезлі за мяжу.
У рамках перамоўнага працэсу ЗША саслабляюць санкцыі ў дачыненні да Мінска.
Беларускія дэмсілы ў дыялогу з Вашынгтонам ставяць пытанне працягу рэпрэсій і новых палітычна матываваных затрыманняў у Беларусі.
Паводле звестак праваабарончага цэнтра “Вясна”, на 19 лістапада палітвязнямі прызнана 887 чалавек.
- Палітыка
- Палітыка, Эканоміка
- Грамадства
- Грамадства
- Грамадства, Эканоміка
- Эканоміка
- Бяспека, Палітыка
- ЭканомікаНайлепшая дынаміка росту ВРП за дзесяць месяцаў — у Брэсцкай вобласці, найгоршая — у ВіцебскайМатэрыял даступны толькі падпісчыкам ПОЗІРК+
- Грамадства, ПалітыкаНезалежнасць суддзяў у Беларусі ёсць канстантай, сцвярджае ЛукашэнкаМатэрыял даступны толькі падпісчыкам ПОЗІРК+
- Грамадства, Эканоміка
- Бяспека, Палітыка
- Грамадства
- Эканоміка
- ЭканомікаЗа дзесяць месяцаў 2026 года пабудавана на 9,2% менш кватэр, чым годам раней (падрабязна)Матэрыял даступны толькі падпісчыкам ПОЗІРК+
- Грамадства
- Грамадства
- Грамадства
- Палітыка
- Палітыка
- Палітыка, Эканоміка



